¶اللي يبي فرقاي قدامه الباب..¶

خلك على صدك .. ترى خاطري طاب
ودعتك الله .. وابتــــــعد لا تجيـــــني

من صد .. دون أية عواريض وأسباب
أنهــــــيت حبٍ .. صـــــــار بينه وبيني

حتى إيش .. لو إنه من أدناة الأقراب
نفسي عزيزة .. والعرب خابريني

ماني عقب فرقاك .. عايش بلا أحباب
ولاني عقب فرقاك عايش حزيني

لا ساهرٍ لأجلك .. ولا الدمع سكاب
من أنت؟ حتى تبكي اليوم عيني

أصبحت في عيني مثل باقي الأغراب
إن رحت والا جيت ما أنت بظنيني

وش حاجتي .. لا صرت بالحب لعّاب
حرام أضيّع .. معك باقي سنيني

خذها بلا تسويف واحسب لها حساب
نـــــهاية المــــــقصود.. في كلمتيني

اللي يبي فرقاي.. قدامه الباب
واللي يبيني فوق راسي وعيني

صح لسان قايلها .. وتسلم يمين ناقلتها ..

قصيدة قوية ومضامينها عميقة ..

كل الشكر لك ..

خلك على صدك .. ترى خاطري طاب
وووهـ يافديتك ياررب ~~عن جد بطللللللللللللللللللللللللللللهـ ~ كررها تاني

نورتووني بمرووكم الرائع